بنت عايشه لربنا وكانت بتحب ربنا اوى اوى وكانت بترفض اى عريس بيتقدم ليها بدون اى سبب واهلها كانو بيكلموها وراحو لاب اعترافها علشان يتكلم معاها وكان ردها واحد وكانت تقول انا مش حاخد واحد غير من ايد ربنا حتى ابونا كان بيقولها يعنى ربنا حيظهر ليكى ويقولك هو ده عريسك
تقول انا مليش دعوه لازم اتجوز
واحد من ايد ربنا.
وفى يوم وهى نايمه حلمت ان ظهر ليها رب المجد يسوع المسيح وقالها عريسك حيكون عندك بعد 3 ايام وصحيت من النوم وحكت لاهلها ولاب اعترافها ومحدش صدق كلامها وقالو نستنى ونشوف وبعد 3 ايام جالها واحد واتقدم ليها وهى من غير ماتشوفه وافقت وقالت ده من ايد ربنا
تخيلو بقى يطلع ايه؟
يطلع بيلعب قمار وبيشرب خمر وكان بيضربها وبيعذبها ومطلع عينها وهى كانت بتحتمل كل حاجه بفرح وفضلت كده طول عمرها وفى اخر ايامها جالها مرض وتعب وفى يوم انتقالها كانت موجوده على السرير مع ابونا وجوزها واولادها وندهت على جوزها وباست ايده وقالتله اشكرك على كل حاجه فقالها انتى بتشكرينى وانا مورتكيش يوم حلو طول حياتك قالتله لكن ربنا ورانى الاكليل الى ليا فى السما علشان احتملتك طول عمرى
وانتقلت للامجاد السماويه بسلام عجيب .
تخيلوا بقي ان هذا الزوج تحول الي انسان تاني خالص تحول واصبح انسان مسيحي بمعني الكلمة لا يفارق الكنيسة منتظم في حضور القداسات والصوم والصلاة وارتبط جدا بالمخلص وعرف معني كيف يحب يسوع كما يسوع احبه واستطاعت زوجته حتي بعد رحيلها الي السماء استطاعت ان تخلص زوجها من بين انياب ابليس وترجعه الي المخلص يسوع المسيح وهكذا كان نصيبها السماء بتحملها ألامها الارضية لتكسب بدل منها حياة سماوية ابدية لانها كانت شاكرة دائما في اقصي لحظات ألامها ........................................................................................
اد ايه الثقه في مشيئه ربنا بتريح خليك واثق ان مهما حصل دي مشيئه ربنا مهما حصلتلك مشاكل دي اراده ربنا وهو عارف بيعمل ايه كويس فقط قول ان اردت يارب تقدر ان تفعل وسيبها عليه واطلب مشيئته صدقني دايما هي الافضل وبلاش تقلق ياما هتشوف ربنا مدبرلك ايه
بس انت قول ياااارب
++++++++++++++++++++++++++++++++
اذكرونى فى صلواتكم